عايز تبعد ؟؟

كام مرة ..

أنا يظهر بهوى أتعذب وأجرى ورا اللى يخلينى أتعب ..

أنا تبقى السكة السهلة قصادى واروح للسكة الأصعب ..

والناس شايفينى سنين مستنى .. بجد عليهم بصعب ..

خطّاب لبسنى العمّة ..

نتيجتى طلعت ..


هو الحمد لله ناجح بس معايا مادة للاسف .. دكتور غبى متحول من جامعة عين شمس عشان إمتحاناته المستحيلة .. قبل ما يتحول طلاب تجارة عين شمس كسروله عربيته وبهدلوه لإنه مختل .. الدكتور ده نجح السنة دى ف مادته 10 % بس .. تخيلو 10 % ناجحين !!


لكن طبعاً عشان الصعيد مهضوم حقه بغباء عن بحرى ف وجود سفاح زى ده ف جامعة صعيدية عادى يعنى ..



يللا هو انا كنت متوقع إنى هشيلها لو الورقة اتصححت .. بس كنت عشمان ناس تنجح ف الزيطة وانا منهم بس للاسف كانت زيطة ساقطين مش ناجحين ..



يللا الحمد لله على كل حال ..

لما تغلط غلطة كبيرة ..

كان فيه موضوع شاغلنى شوية ف الفترة الاخيرة .. سر محكتهوش لحد ومش عاوز احكيه لإن بالبلدى مستعر منه اوى ..


المهم اخيراً إمبارح حكيته لواحد صاحبى جامد .. صديق مقرب يعنى .. حكيتله كل حاجة وقولتله يدلنى أعمل ايه عشان ابطل اشغل بالى بالحاجة الغلط دى ..


قالى جملة حلوة اوى .. قالى ( لما تغلط غلطة كبيرة اوى .. وده انت عملته فعلاً .. المفروض يعنى ع الاقل تتوقف عن إنك تعمل الغلط ده .. اول خطوة يعنى ف إنك تمشى صح إنك تبطل تعمل الغلط ده .. بس عشان تبطل لازم الاول تقتنع إنك غلطت غلطة كبيرة اوى .. وبما إنك لسه بتفكر يبقى إنت عاوز تكمل غلطتك دى يبقى انت مش مقتنع بكده )


الموضوع زى ما واضح هايم كده ومش باينله ملامح .. بس ده اللى قدرت اقوله ف الفضفضة دى ..


عموماً إن شاء الله انا اهو ابتديت امشى ف سكة إنى اقتنع بإنى عملت مصيبة .. وإن شاء الله فعلتى دى مش هتتكرر ..